Veteran velosipedçimiz DÇ-də iştirak edib
30 sentyabr, 2022 20:02
Amerika Birləşmiş Ştatlarının Los-Anceles şəhərində trek velosipedi üzrə veteranlar arasında dünya çempionatı keçirilib. Yarışda ölkəmiz ilk dəfə azərbaycanlı idmançı, komandamızın keçmiş üzvü Məhəmməd Ələkbərovla təmsil olunub!
Müxtəlif yaş kateqoriyalarında təşkil edilən dünya çempionatında veteran velosipedçimiz 35-44 yaşlı idmançılar arasında skretç və xalla qrup ötüşməsi növlərində mübarizə aparıb. 10 km məsafəyə skretç yarışında M.Ələkbərov 20 iştirakçı arasında 11-ci nəticə göstərib. 20 km məsafəyə xalla qrup ötüşməsində isə təmsilçimiz 14-cü yeri tutub.
