14 yanvar, 2019 15:19
Azərbaycan Respublikasının Prezidenti İlham Əliyevin 27 dekabr, 2018-ci il tarixli Sərəncamına əsasən, Azərbaycan Respublikasında “YOL HƏRƏKƏTİNİN TƏHLÜKƏSİZLİYİNƏ DAİR” 2019–2023-cü illər üçün DÖVLƏT PROQRAMI qəbul edilib. Proqramın 7.2.9-cu bəndi “Velosiped zolaqlarının və duracaqlarının yaradılması” haqdadır və bununla bağlı “Əsas İcraçı Qurum” kimi Daxili İşlər Nazirliyi, Bakı şəhərinin inzibati ərazisində Bakı Nəqliyyat Agentliyi, “Digər İcraçı Qurum” kimi isə Nəqliyyat, Rabitə və Yüksək Texnologiyalar Nazirliyi, Azərbaycan Avtomobil Yolları Dövlət Agentliyi və yerli icra hakimiyyəti orqanları göstərilib.
Bu məsələ ilə bağlı fikir və təkliflərinizi adları çəkilən dövlət qurumlarına, habelə son illər bu istiqamətdə ciddi dəyişikliklərin əldə olunmasına çalışan Azərbaycan Velosiped İdmanı Federasiyasına (press@avif.az) göndərməyinizi Sizdən xahiş edirik.
Velosipedi özünün həyat tərzinə çevirən, velosipeddən nəqliyyat vasitəsi kimi istifadə etmək arzusunda olan vətəndaşlarımızın bu istiqamətdə fikirləri olduqca önəmlidir.
Bütün xəbərləri gör
2022-ci il üçün təsdiq edilmiş vahid idman təqvim planına əsasən iyun ayının 18-19-da Azərbaycan Respublikası Gənclər və İdman Nazirliyi və Azərbaycan Velosiped Federasiyasının (AVF) birgə təşkilatçılığı ilə şose velosipedi üzrə Azərbaycan çempionatı keçirilib. Beynəlxalq Velosipedçilər İttifaqının (UCI) mövcud qaydalarına əsasən təşkil edilən yarışda U17, gənclər və U23/Elit yaş kateqoriyası üzrə oğlanlar və qızlar mübarizə aparıblar.
Davamını oxu
Şose velosipedi üzrə Azərbaycan çempionatı keçiriləcək
Davamını oxu
Beynəlxalq Velosipedçilər İttifaqının (UCI) 2.2 kateqoriyalı “Tour of Albania” yarışının sonuncu - 5-ci mərhələsi başa çatıb. Yarışda mübarizə aparan Azərbaycanın Elit/U23 yığma komandasının kapitanı Elçin Əsədov 109 km-lik bu yarış günündə uğurlu nəticə göstərərək mərhələni 2-ci yerdə tamamlayıb və 3 reytinq xalı əldə edib. Birinci yerdə Albaniya yığmasının üzvü Ylber Sefa, üçüncü yerdə isə Xorvatiyanın “Meridiana Kamen Team” komandasının üzvü Antonio Barak qərarlaşıb.
Davamını oxu