“Dədə Qorqud" parkında açıq yoqa dərsi keçirilib
22 iyul, 2023 11:49
“Azərbaycan Respublikasında 2023-cü ilin “Heydər Əliyev İli” elan edilməsi ilə bağlı Tədbirlər Planı”ı çərçivəsində iyulun 22-də Azərbaycan Respublikası Müdafiə Sənayesi Nazirliyi (MSN) və Gənclər və İdman Nazirliyinin birgə təşkilatçılığı, Velosiped Federasiyasının dəstəyi ilə Nərimanov rayonunda yerləşən “Dədə Qorqud" parkında açıq yoqa dərsi keçirilib.
Mental sağlamlıq mövzusunda baş tutan açıq dərsdə MSN-in Yoqa İdman Klubunun üzvləri, Azərbaycan Velosiped Federasiyası, Respublika Velotreki, Respublika Olimpiya Ehtiyat Qüvvələri İxtisaslaşdırılmış Uşaq-Gənclər Velosiped Məktəbinin məşqçi və idmançı heyətləri, əməkdaşları, həmçinin yoqa həvəskarları iştirak ediblər.
Ümumilikdə 150 nəfərin qatıldığı kütləvi idman tədbiri 2 saat davam edib.
Qeyd edək ki, tədbirin məqsədi ölkəmizdə idman və sağlamlıq sahəsində həyata keçirilən dövlət siyasətinin məqsədlərini, sağlam həyat tərzini geniş ictimaiyyətdə təşviq etməkdir.
