Gəncədə Ulu Öndər Heydər Əliyevin 100 illik yubileyi ilə əlaqədar veloyürüş keçiriləcək
07 may, 2023 15:43
Mayın 10-da Gəncədə Ümummilli Lider Heydər Əliyevin anadan olmasının 100 illik yubileyi ilə əlaqədar veloyürüş keçiriləcək.
Azərbaycan Velosiped Federasiyası (AFV) və Gəncə-Daşkəsən Regional Təhsil İdarəsinin təşkilatçılığı, Gəncə Şəhər İcra Hakimiyyətinin dəstəyi ilə baş tutacaq veloyürüş saat 16:00-da Nizami Gəncəvi prospektindən (Ramada Plazanın qarşısından) start götürərək Heydər Əliyev Mərkəzinədək davam edəcək.
Veloyürüşdə AVF-nin idmançıları, 100 qadın təhsil işçisi, 100 qadın valideyn və 100 şagirdlə yanaşı, digər həvəskar velosipedçilər də iştirak edəcəklər.
Yürüşdən öncə AVF-nin Gəncə şəhərində filialının rəsmi açılış mərasimi keçiriləcək.
Qeyd edək ki, bugünədək veloyürüşdə iştirak üçün 450 nəfər müraciət edib.
Tədbirə qatılmaq istəyən şəxslər aşağıdakı link vasitəsilə qeydiyyatdan keçə bilərlər:
Qeydiyyat linki:
https://forms.office.com/r/PHVjNCuUZZ
