AVF-nin velosipedçiləri idman festivalında fəal iştirak ediblər
28 sentyabr, 2022 17:23
Ölkəmizdə “Avropa idman həftəsi” layihəsinin start götürməsi ilə əlaqədar sentyabrın 28-də Gənclər və İdman Nazirliyinin təşkilatçılığı ilə Heydər Əliyev Mərkəzinin parkında idman festivalı keçirilib. “Be Active” devizi altında Avropa Komissiyasının təşəbbüsü ilə təşkil edilən layihə çərçivəsində baş tutan festivalda müxtəlif idman növləri üzrə çıxışlar nümayiş olunub.
Kütləvi idman tədbirində gimnastika, velosiped və para-velosiped, futbol, basketbol, voleybol, cüdo, boks, qılıncoynatma, güləş, karate, kapoeyra, otaxma, avarçəkmə, taekvondo, qolf, güllə atıcılığı və milli idman növləri təmsil olunub.
Azərbaycan Velosiped Federasiyasının idmançıları festivalda fəal iştirak ediblər. Velosipedçilərin nümunəvi çıxışları idman həvəskarlarının böyük marağına səbəb olub.
Festival çərçivəsində, həmçinin veloyürüş keçirilib. Yürüşdə AVF-nin idmançıları ilə yanaşı, şəhər sakinləri də iştirak ediblər.
Qeyd edək ki, saat 14:00-da start götürən festival 2 saat davam edib.
