Elçin Əsədov “Tour of Albania” yarışında 2-ci oldu

04 iyun, 2022 17:44

Elçin Əsədov “Tour of Albania” yarışında 2-ci oldu

Beynəlxalq Velosipedçilər İttifaqının (UCI) 2.2 kateqoriyalı “Tour of Albania” yarışının sonuncu - 5-ci mərhələsi başa çatıb. Yarışda mübarizə aparan Azərbaycanın Elit/U23 yığma komandasının kapitanı Elçin Əsədov 109 km-lik bu yarış günündə uğurlu nəticə göstərərək mərhələni 2-ci yerdə tamamlayıb və 3 reytinq xalı əldə edib. Birinci yerdə Albaniya yığmasının üzvü Ylber Sefa, üçüncü yerdə isə Xorvatiyanın “Meridiana Kamen Team” komandasının üzvü Antonio Barak qərarlaşıb.

 

E.Əsədov bu nəticə ilə ümumi təsnifatda 5-ci pillədə yer alıb və bununla da ölkə reytinqimizə daha 15 xal qazandırıb. Millimizin kapitanı həmçinin ən yaxşı sprinterlərin mübarizəsində 77 xalla 3-cü olub.

 

Azərbaycan Velosiped Federasiyasının rəsmi saytına açıqlama verən E.Əsədov yarış haqqında təəssüratlarını bildirib. O, yüksək nəticə qazanmaq üçün bütün gücü ilə mübarizə apardığını vurğulayıb. Yığma komandamızın kapitanı son mərhələdə bütün velosipedçiləri geridə qoyaraq, dağ yollarında albaniyalı və xorvatiyalı idmançılarla sona qədər mübarizə apardığını, nəticədə ikinci olaraq, fəxri kürsüyə qalxmağı bacardığını vurğulayıb: “Fəxr edirəm ki, mötəbər beynəlxalq yarışda Vətənimi layiqincə təmsil etdim. Bu qələbəmi ölkəmizin azadlığı uğrunda canlarından keçən şəhidlərimizə həsr edirəm. Əldə edilən bu nailiyyətlər ölkə rəhbərliyi tərəfindən idmançılarımız üçün yaradılan yüksək şəraitin nəticəsidir”.

 

Qeyd edək ki, E.Əsədov yarışın 1-ci, 2-ci və 3 mərhələlərini ilk onluqda tamamlayıb.

 

Sonuncu mərhələdə finiş xəttini 12-ci keçən yığma komandamızın digər üzvü Musa Mikayılzadə ümumi təsnifatda  12-ci nəticə göstərib.

 

Xatırladaq ki, mötəbər yarışda ölkəmizi baş məşqçi Asif Həsənovun rəhbərliyi altında Elit/U23 yığma komandamızın üzvləri Elçin Əsədov, Elgün Əlizadə, Musa Mikayılzadə, Əli Qurbanov, Şahin Eyvazov və Yusif İsmayılov təmsil edirdi.

Digər xəbərlər

Bütün xəbərləri gör

19 iyun, 2022 20:59

2022-ci il üçün təsdiq edilmiş vahid idman təqvim planına əsasən iyun ayının 18-19-da Azərbaycan Respublikası Gənclər və İdman Nazirliyi və Azərbaycan Velosiped Federasiyasının (AVF) birgə təşkilatçılığı ilə şose velosipedi üzrə Azərbaycan çempionatı keçirilib. Beynəlxalq Velosipedçilər İttifaqının (UCI) mövcud qaydalarına əsasən təşkil edilən yarışda U17, gənclər və U23/Elit yaş kateqoriyası üzrə oğlanlar və qızlar mübarizə aparıblar.

Davamını oxu

15 iyun, 2022 19:05

2022-ci il üçün təsdiq edilmiş vahid idman təqvim planına əsasən iyun ayının 18-19-da Azərbaycan Respublikası Gənclər və İdman Nazirliyinin və Azərbaycan Velosiped Federasiyasının (AVF) birgə təşkilatçılığı ilə şose velosipedi üzrə Azərbaycan çempionatı keçiriləcək.

Davamını oxu

04 iyun, 2022 16:34

Beynəlxalq Yoqa Günü ilə bağlı Azərbaycanda keçirilən Yoqa Festivalı çərçivəsində iyunun 4-də Respublika Velotrekində açıq yoqa dərsi təşkil edilib. Azərbaycan Velosiped Federasiyası (AVF), Hindistanın Azərbaycandakı Səfirliyi və Klassik Yoqa Məktəbinin təşkilatçılığı ilə keçirilən açıq dərsdə Azərbaycan Respublikasının müdafiə sənayesi naziri, Azərbaycan Velosiped Federasiyasının prezidenti Mədət Quliyev, Nazirliyin və AVF-nin bir qrup nümayəndəsi, eləcə də 100-dən çox həvəskar iştirak edib.

Davamını oxu