AVF və Sakarya Böyükşəhər Bələdiyyəsi arasında Əməkdaşlıq Protokolu imzalanıb
29 oktyabr, 2023 23:33
Oktyabrın 27-29-da Türkiyə Respublikasının 100-cü ildönümü - Cümhuriyyət bayramı münasibətilə qardaş ölkədə “Sakarya Bike Fest” velosiped festivalı keçirilib.
Türkiyə
Respublikası Prezident Administrasiyasının himayəsi altında Sakaryada “Ayçiçeği
Bisiklet Vadisi”ndə təşkil edilən festivalda Azərbaycan Respublikasının müdafiə
sənayesi naziri, Azərbaycan Velosiped Federasiyasının (AVF) prezidenti Mədət
Quliyev də iştirak edib.
Kütləvi
idman tədbiri çərçivəsində Beynəlxalq Velosipedçilər İttifaqının “MTB
Eliminator Continental Series”, Avropa Velosipedçilər Birliyinin “MTB
Eliminator European Championships” yarışları, həmçinin konsert proqramı baş
tutub.
Oktyabrın
29-da keçirilən sonuncu yarış günündə AVF ilə Sakarya Böyükşəhər Bələdiyyəsi
arasında Əməkdaşlıq Protokolu imzalanıb. Sənədi AVF prezidenti Mədət Quliyev və
Sakarya Böyükşəhər Bələdiyyəsinin rəhbəri Ekrem Yüce imzalayıblar.
