AzVİF prezidenti məşqçilərlə görüşüb
29 noyabr, 2021 20:05
29 noyabr 2021-ci il tarixdə Azərbaycan Respublikası müdafiə sənayesi naziri, Azərbaycan Velosiped İdmanı Federasiyasının prezidenti Mədət Quliyevin məşqçilərlə görüşü keçirilib. Azərbaycan Respublikası Müdafiə Sənayesi Nazirliyində baş tutan görüşü giriş sözü ilə açan federasiya prezidenti qarşıda duran əsas məqsədlərdən danışıb və ölkəmizdə velosiped idmanının inkişafı istiqamətində görülməsi vacib olan məsələləri qeyd edib.
Federasiya prezidentinin sözlərinə görə, kütləvilik artırılmalı, nəticələrin yüksəldilməsi üçün konkret hədəflər müəyyənləşdirilməlidir: “Yerli kadrların yetişdirilməsinə diqqət yetirilməli, onların ustalıq səviyyəsinin yüksəldilməsi və gələcəkdə azərbaycanlı velosipedçilərin dünyanın tanınmış komandalarında çıxış etmələri başlıca məqsədlərimizdən olmalıdır” – deyən Mədət Quliyev təlim-tərbiyə işlərinə də xüsusi diqqət ayırmağın vacibliyini ön plana çəkib.
