Azərbaycan Respublikasının Prezidenti,

Milli Olimpiya Komitəsinin prezidenti

Zati-aliləri cənab İlham Əliyevə

         Möhtərəm cənab Prezident!

        Sizi 60 illik yubileyiniz münasibətilə Azərbaycan Velosiped İdmanı Federasiyasının kollektivi və öz adımdan səmimi qəlbdən təbrik edir, Sizə uzun ömür, möhkəm cansağlığı, ölkə idmanının inkişafı istiqamətindəki şərəfli fəaliyyətinizdə uğurlar arzu edirəm!

        Cənab Prezident!

        Bu günlərdə ölkə idman ictimaiyyətinin üzvləri yekdilliklə, böyük həvəs və sevinc hissi ilə Sizi yenidən Azərbaycan Respublikası Milli Olimpiya Komitəsinin prezidenti seçdilər. Fürsətdən istifadə edərək Sizin diqqət və qayğınızı daima öz üzərlərində hiss edən Azərbaycan Velosiped İdmanı Federasiyasının kollektivi və öz adımdan Sizi bu münasibətlə təbrik edir, dərin hörmət və ehtiramımızı çatdırıram!

        Əminik ki, Sizin rəhbərliyiniz altında Azərbaycan idmanı bundan sonra da inkişaf edəcək, atletlərimiz öz parlaq qələbələri ilə xalqımızı sevindirməkdə davam edəcəklər.

Dərin hörmət və ehtiramla,

Mədət Quliyev

Azərbaycan Velosiped İdmanı

Federasiyasının prezidenti