Dağ velosipedi üzrə Bakı Kuboku keçiriləcək

09 avqust, 2022 14:22

Dağ velosipedi üzrə Bakı Kuboku keçiriləcək

Avqustun 10-da Azərbaycan Velosiped Federasiyasının təşkilatçılığı ilə dağ velosipedi (MTB) üzrə Bakı Kuboku keçiriləcək.


Xocasəndə yerləşən Dağ Velosipedi Parkında baş tutacaq yarışda U15, U17, gənclər yaş kateqoriyalarında olan oğlanlar, həmçinin Elit/U23 yaş kateqoriyasında olan kişi velosipedçilər iştirak edəcək.


15 və 17 yaşadək velosipedçilər təyin olunmuş marşrut üzrə 2 dairə, gənc oğlanlar və Elit/U23 yaş kateqoriyasında olan kişilər isə 3 dairə qət edəcəklər.


Qaliblər hər yaş kateqoriyasında ən yaxşı vaxta görə müəyyən ediləcək.


Beynəlxalq Velosipedçilər İttifaqının (UCİ) mövcud qaydalarına əsasən keçiriləcək yarışa saat 17:00-da start veriləcək.


İdmançıların qeydiyyatı isə start yerində saat 16:00-da başlayacaq.


Qaliblərə medal, diplom və qiymətli hədiyyələr təqdim olunacaq.

Digər xəbərlər

Bütün xəbərləri gör

19 iyun, 2022 20:59

2022-ci il üçün təsdiq edilmiş vahid idman təqvim planına əsasən iyun ayının 18-19-da Azərbaycan Respublikası Gənclər və İdman Nazirliyi və Azərbaycan Velosiped Federasiyasının (AVF) birgə təşkilatçılığı ilə şose velosipedi üzrə Azərbaycan çempionatı keçirilib. Beynəlxalq Velosipedçilər İttifaqının (UCI) mövcud qaydalarına əsasən təşkil edilən yarışda U17, gənclər və U23/Elit yaş kateqoriyası üzrə oğlanlar və qızlar mübarizə aparıblar.

Davamını oxu

15 iyun, 2022 19:05

Şose velosipedi üzrə Azərbaycan çempionatı keçiriləcək

Davamını oxu

04 iyun, 2022 17:44

Beynəlxalq Velosipedçilər İttifaqının (UCI) 2.2 kateqoriyalı “Tour of Albania” yarışının sonuncu - 5-ci mərhələsi başa çatıb. Yarışda mübarizə aparan Azərbaycanın Elit/U23 yığma komandasının kapitanı Elçin Əsədov 109 km-lik bu yarış günündə uğurlu nəticə göstərərək mərhələni 2-ci yerdə tamamlayıb və 3 reytinq xalı əldə edib. Birinci yerdə Albaniya yığmasının üzvü Ylber Sefa, üçüncü yerdə isə Xorvatiyanın “Meridiana Kamen Team” komandasının üzvü Antonio Barak qərarlaşıb.

Davamını oxu