Qırğız Respublikasının Azərbaycandakı səfiri və 75 yaşlı veloyürüşçü AVF-də olublar

13 sentyabr, 2022 17:00

Qırğız Respublikasının Azərbaycandakı səfiri və 75 yaşlı veloyürüşçü AVF-də olublar
Qırğız Respublikasının Azərbaycandakı səfiri və 75 yaşlı veloyürüşçü AVF-də olublar
Qırğız Respublikasının Azərbaycandakı səfiri və 75 yaşlı veloyürüşçü AVF-də olublar
Qırğız Respublikasının Azərbaycandakı səfiri və 75 yaşlı veloyürüşçü AVF-də olublar
Qırğız Respublikasının Azərbaycandakı səfiri və 75 yaşlı veloyürüşçü AVF-də olublar

Sentyabrın 13-də Qırğız Respublikasının Azərbaycandakı fövqəladə və səlahiyyətli səfiri Kayrat Osmonaliyev və Türkiyədə keçiriləcək IV Dünya Köçəri Oyunlarında iştirak etmək üçün Qırğız Respublikasından velosipedlə səfərə çıxan 75 yaşlı Mamıt Taştanov Azərbaycan Velosiped Federasiyasında (AVF) olublar.


AVF-nin Baş katibi Elnarə Musayeva, Federasiyanın İcraiyyə Komitəsinin üzvü Vüqar Salahov və Respublika Velotrekinin direktoru Tamerlan Salahov qonaqları salamlayaraq, onları burada görməkdən məmnunluqlarını bildiriblər.


Səfir K.Osmonaliyev və M.Taştanov yarış treki, idmançılar üçün otel və velosiped muzeyinə baxıblar.


Daha sonra çay süfrəsi arxasında qonaqlara Azərbaycan Velosiped Federasiyasının fəaliyyəti, ölkəmizdə velosiped idman növünün inkişafı, bu istiqamətdə aparılan işlər haqqında ətraflı məlumatlar verilib.


Səfir Azərbaycan Velosiped Federasiyasının son illərdə əldə etdiyi uğurları və bu idman növünün ölkəmizdə kütləviləşməsi üçün aparılan işləri yüksək qiymətləndirib. O, AVF-yə və idmançılara böyük nailiyyətlər arzulayıb.


Qeyd olunub ki, Qırğız Respublikasının Oş şəhərinin sakini M.Taştanov Türkiyəyə getmək üçün velosipedlə indiyədək Özbəkistan, Qazaxıstan və Türkmənistandan keçib. O, quru sərhədi olmadığı üçün təyyarə vasitəsilə sentyabrın 12-i gecə saatlarında Azərbaycana gəlib. M.Taştanov buradan velosipedlə Gürcüstana keçərək Türkiyəyə daxil olmağı planlaşdırır.


AVF-nin mexanikləri M.Taştanovun velosipedinə texniki baxış keçirib və bütün çatışmazlıqları aradan qaldırıblar.


Qonaqlar səmimi qarşılanma, ətraflı məlumata və göstərilən texniki dəstəyə görə minnətdarlıqlarını bildiriblər.


Sonda xatirə şəkli çəkdirilib.

Digər xəbərlər

Bütün xəbərləri gör

19 iyun, 2022 20:59

2022-ci il üçün təsdiq edilmiş vahid idman təqvim planına əsasən iyun ayının 18-19-da Azərbaycan Respublikası Gənclər və İdman Nazirliyi və Azərbaycan Velosiped Federasiyasının (AVF) birgə təşkilatçılığı ilə şose velosipedi üzrə Azərbaycan çempionatı keçirilib. Beynəlxalq Velosipedçilər İttifaqının (UCI) mövcud qaydalarına əsasən təşkil edilən yarışda U17, gənclər və U23/Elit yaş kateqoriyası üzrə oğlanlar və qızlar mübarizə aparıblar.

Davamını oxu

15 iyun, 2022 19:05

2022-ci il üçün təsdiq edilmiş vahid idman təqvim planına əsasən iyun ayının 18-19-da Azərbaycan Respublikası Gənclər və İdman Nazirliyinin və Azərbaycan Velosiped Federasiyasının (AVF) birgə təşkilatçılığı ilə şose velosipedi üzrə Azərbaycan çempionatı keçiriləcək.

Davamını oxu

04 iyun, 2022 17:44

Beynəlxalq Velosipedçilər İttifaqının (UCI) 2.2 kateqoriyalı “Tour of Albania” yarışının sonuncu - 5-ci mərhələsi başa çatıb. Yarışda mübarizə aparan Azərbaycanın Elit/U23 yığma komandasının kapitanı Elçin Əsədov 109 km-lik bu yarış günündə uğurlu nəticə göstərərək mərhələni 2-ci yerdə tamamlayıb və 3 reytinq xalı əldə edib. Birinci yerdə Albaniya yığmasının üzvü Ylber Sefa, üçüncü yerdə isə Xorvatiyanın “Meridiana Kamen Team” komandasının üzvü Antonio Barak qərarlaşıb.

Davamını oxu